Mafuriko Morogoro yaleta maafa maeneo mbali mbali

MAFURIKO

Mvua kubwa iliyonyesha mjini Morogoro jana kwa muda mfupi tu

ilisababisha mafuriko katika baadhi ya barabara za mji kiasi cha

baadhi ya barabara kushindwa kupitika kutokana na kufurika maji.

Maji hayo yaliingia hadi ndani ya baadhi ya maduka na kuleta kero

na hata hasara kwa wafanyabiashara hao.

Wakazi wa mji wa Morogoro wakizungumzia mafuriko hayo

wameilalamikia miundombinu mibovu ya barabara kutokana na

kuziba kwa mitaro ambapo wameitaka halmasauri ya mji wa

Morogoro kuzibua mitaro hiyo huku baadhi ya wafanyabiashara

wakilalamika kupata hasara.

Katika hatua nyingine mto Kikundi uliopo mjini Morogoro umepoteza

uelekeo na kumwaga maji katika soko kuu la mji wa Morogoro na

kusababisha maji kujaa katika maduka huku baadhi ya magari

yakiingia kwenye mitaro na baadhi ya bodaboda zikiwa na abiria

kuzama katika maji na kulazimika kuvutwa.

Kaimu Mkurugenzi wa Manispaa ya Morogoro Phimlemon Magesa

akizungumzia malalamiko hayo ya wananchi hao amesema manispaa

wanajitahidi kufanya usafi lakini tatizo liko kwa wananchi wenyewe

kwani hutupa taka kwenye mitaro na kusabisha kuziba na maji

kupoteza ueleko na kujaa katika makazi ya watu.MOROGORO

Soko Kuu la Morogoro likiwa limezingirwa na maji jana baada ya mvua kubwa

kunyesha na kusababisha mafuriko katikati ya mji kutokana na mto Kikundi kujaa

mchanga. 

Picha na Juma Mtanda