Boko Haram lateka kambi ya jeshi Nigeria
Maafisa nchini Nigeria wanasema kuwa kundi la Boko Haram limeuteka mji na
kambi moja ya kijeshi inayotumiwa na wanajeshi wa kimataifa wanaojaribu
kukabiliana na wapiganaji hao.
Seneta wa Borno Kazkazini Maina Ma'aji Lawan,eneo la mji wa Baga amesema
kuwa wanajeshi waliitoroka kambi yao baada ya kushambuliwa na Boko Haram
jumamosi asubuhi.
Wakaazi wa Baga,ambao walitoroka kupitia maboti hadi taifa jirani la
Chad,amesema kuwa raia wengi wameuawa na mji huo kuchomwa.
Wapiganaji wa Boko Haram tayari wanadhibiti eneo kubwa karibu na mji wa
Baga,ambao hadi kufikia jumamosi ni miongoni mwa miji michache iliokuwa
imesalia na serikali.
Post a Comment